تعاهدنا انا وانت على ان نكون أحباب

أنـا زعـلانه منـك حيـل وشايـله لـك بقلـبـي عـتـاب
وأتـمـنـى تحمـلـنـي مـثــل مـــا أتـحـمـل عـتـابــك

ترى بعض الصـراحة جـرح وثـقـل ونرفـزة أعصاب
أبـي تسمـع كلامـي زيـن وتـمســك زيـن أعصـابـك

تعاهـدنـا أنــا وانـتـ عـلـى إنـــا نـكــون أحـبــاب
وأحبـابـك هــم أحبـابـي وأحبـابـي هـــم أحـبـابـك

وش الـلـي غـيـرك فجـأة تكـلـم واذكــر الأسـبــاب
أنـا بسمـع كـلامـك زيــن وبسـمـع زيــن أسبـابـك

رغـم كـل الخطـا منـك فـ وجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي أبـوابـك

رخصـت الغالـي لعيونـك حنيـت لخـاطـرك أرقــاب
رضـيــت أحنـيـهـا أرقـابــي ولا تحنـيـهـا أرقـابــك

كفايـه تمنحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك

ولا تفكر في يـوم أنسـاك أو يشغلنـي عنـك غيـاب
أنــا أتنفـسـك أهــواك وفـيــك أمـــوت وأحـيـابـك

أنـا مـا شـوف أحـد غيـرك جمـيـل بفـتـنـتـه جــذاب
أنـا إعجـابـي فيـك أعمـى يفـوق إعجـاب إعجـابـك

أنـا مهـمـا قـسـى قلـبـي بكلـمـة مـنـك أحـسـهـ ذاب
أنا من زود عشقـي لـك عشقـت العطـر فـي ثيابـك

أنـا ياليـت مـغـرم فـيـك أنــا كـلـي فـ غـرامـك شــاب
أحـسـك جــزء مــن روحــي ولا أتـحـمـل غـيـابـك

ولا قد طـاب لـي جرحـك ولـو جرحـي لذاتـك طـاب
عجـزت أقـدر أشـوف الدمـع بـل أطـراف أهـدابـك

ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك

ولانـي مرتـضـي ذلــي ولــو كــان الـهـوا غــلاب
إذا مـاكـان تـرضـى بـي حـشـا لا يمكـن أرضـى بـك

ولانــي قــادر أتحـمـل عشـانـك غـرسـة الأنـيـاب
أنـا كـلـي غــدى مـجـروح مــن غـرسـات أنيـابـك

تجافيـنـي ولا هـمـك ولا تحـسـب لــي أي حـسـاب
وأنا من زود عشقي لك أصونك وأحسـب حسابـك

ألآ يـا قـسـوة الصـدمـة تجـيـنـي مـنــك الأصــواب
وانا اللي كنت أقول الجـرح إذا مـا صابنـي صابـك

أمـانــة قـــول وش بـقـيّـت لـلـعــذال والأغــــراب
إذا هــذا مـعـي طبـعـك أجــل وش حــال أغـرابــك .. ؟؟

تـمـرد كــان يحـلـى لــك تعـيـب فـي طيبـتـي وتغـتـاب
ولكـنـي تــراي أكـبــر مـــن إنـــي يـــوم أغـتـابـك

حقيـقـه اكتشـفـت إنــك سخـيـف بطبـعـك الـكـذاب
وإنـي كـنـت لــك لعـبـة سخيـفـة تـشـبـهـ ألـعـابـك

أنـا عيبـي غبـي .. طـيـب وظـنـي فـيـك والله خــاب
ولا قـــد كـنــت أتـوقــع تـجـافـي يـــوم أصـحـابـك

أنا جيتك بطيب الطيب وفيـك الطيـب أبـد مـا جـاب
أبـي تعذرنـي على هـالقـسـوة لأن الطـيـب مــا جـابـك .. !![color="red"][size="5"][i][b]]